Il-proġett FRAGSUS, iffinanzjat mill-Kunsill Ewropew tar-Riċerka b’investiment ta’ €2.5m, ġab flimkien esperti minn universitajiet differenti fl-Ewropa. Ir-riċerka li saret kitbet mill-ġdid l-ewwel kapitlu tal-istorja ta’ Malta. Il-Ministru għall-Ġustizzja, Kultura u Gvern Lokali Owen Bonnici inawgura wirja fil-Mużew Nazzjonali tal-Arkeoloġija - li hi miftuħa b’xejn għall-pubbliku u li turi l-kisbiet ewlenin ta’ din ir-riċerka. Il-wirja hi miftuħa sal-15 ta’ Ġunju.