![](https://static.wixstatic.com/media/1d81d4_7a8a783e232e4ba097b1064ec78a2a59~mv2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/1d81d4_7a8a783e232e4ba097b1064ec78a2a59~mv2.jpg)
Il-Ministru għall-Ġustizzja, Kultura u Gvern Lokali Owen Bonnici informa lill-Kunsill tal-Ministri tal-Ġustizzja tal-Unjoni Ewropea li pajjiżna se jkun qiegħed jissottometti l-interess tiegħu li formalment jingħaqad fl-Uffiċċju tal-Prosekutur Pubbliku Ewropew.
F’intervent li huwa għamel matul il-Kunsill, il-Ministru Bonnici spjega li pajjiżna kien qiegħed iħares b’attenzjoni lejn l-iżvilupp ta’ dan l-Uffiċċju li inċidentalment kien twieled matul il-Presidenza Maltija tal-Kunsill tal-Ministri tal-Unjoni Ewropea.
Huwa qal li l-Gvern laqa’ b’mod pożittiv l-andament tal-ħolqien ta’ dan l-Uffiċċju u sostna li fix-xhur li ġejjin se jkun qiegħed formalment jissottometti l-interess tiegħu.