![](https://static.wixstatic.com/media/1d81d4_2fa6eb51891c485e8bd19a400e181d86~mv2.jpg/v1/fill/w_147,h_97,al_c,q_80,usm_0.66_1.00_0.01,blur_2,enc_auto/1d81d4_2fa6eb51891c485e8bd19a400e181d86~mv2.jpg)
Bħala parti miċ-ċelebrazzjoni tal-25 sena anniversarju mit-twaqqif tal-kunsilli lokali f’pajjiżna, ġiet ikkonċelebrata quddiesa ta’ radd-il ħajr fil-Kon-Katidral ta’ San Ġwann. Is-Segretarjat Parlamentari għall-Gvern Lokali u Komunitajiet organizza wkoll riċeviment fil-Palazz tal-Gran Mastru fil-preżenza tal-President ta’ Malta Marie-Louise Coleiro Preca. Waqt din iċ-ċerimonja ġew ippreżentati plakki kommemorattivi lill-qraba ta’ dawk is-sindki u kunsilliera li llum m’għadhomx magħna, kif ukoll midalja lill-eks ministri u segretarji parlamentari li kienu responsabbli mill-gvern lokali f’dawn l-aħħar 25 sena, lill-eks diretturi tad-Diviżjoni għall-Gvern Lokali kif ukoll lil dawk preżenti, lill-eks presidenti tal-Assoċjazzjoni tal-Kunsilli Lokali, kif ukoll lill-president preżenti, lill-presidenti tal-Kumitati Reġjonali u anki lis-sindki, viċi-sindki, kunsilliera u segretarji eżekuttivi kollha.
Kon-Katidral ta’ San Ġwann, Il-Belt Valletta (MJCL0412201801-05)