• Team Owen Bonnici

Il-Ministru għall-Ġustizzja, Kultura u Gvern Lokali attenda għat-tnedija tas-seba’ edizzjoni ta’ Żig



Dan il-festival għandu programm multidixxiplinarju u fih 25 proġett, li minnhom, ġew ikkummissjonati artisti Maltin sabiex jaħdmu fuqhom. Din hija opportunità għall-artisti Maltin biex jesebixxu t-talenti tagħhom u b’hekk qiegħed jiżdied l-investiment fir-repertorju artistiku nazzjonali. Apparti artisti Maltin hemm ukoll artisti ta’ fama internazzjonali minn 12-il pajjiż differenti (li ġejjin minn 3 kontinenti differenti) li qegħdin jesebixxu xogħlhom.

Il-ministru Bonnici qal li b’dan il-Festival, it-tfal jibdew jitgħallmu x’inhi l-arti u x’inhi s-sbuħija tal-kultura. Il-ministru kompla jgħid li “din hija attività oħra li qed nagħmlu aħna biex ikollna aktar kultura fit-tfal tagħna, fiż-żgħażagħ tagħna sabiex pajjiżna jkun aħjar”.

Fl-attività tat-tnedija, numru ta’ tfal ġew mitluba li jwaħħlu dak li jixtiequ jagħmlu, u x’jixtiequ li jaraw madwarhom ma’ pjanti li qegħdin fi Pjazza Kastilja.

F’din l-edizzjoni, hemm aktar minn 150 artist li qegħdin jipparteċipaw f’dan il-Festival u hemm programm speċjali għal Għawdex fejn se jittelgħu proġetti hemm ukoll biex dan il-festival ikun aċċessibbli kemm jista’ jkun.

Huwa mistenni li Żigużajg ikollu eluf ta’ parteċipanti, l-aktar tfal u żgħazagħ, minħabba li l-udjenza mira tiegħu huma dawn.

Il-Festival Żigużajg se jkun qed jittella’ fil-Belt Valletta bejn is-17 u l-26 ta’ Novembru 2017.

#Kultura #ŻiguŻajg #Festival

2 views
  • Facebook - White Circle
  • Twitter - White Circle
 t: 2180 2000   m: 9946 5436
Owen Bonnici Logo